VITAN, VINNA OG VISJÓN

Hvussu kann gransking gagna vinnulívinum, og hvussu kann vinnulívið gagna granskingini?

Fríggjadagin 20. mai verður áhugavert og tiltrongt tiltak í Kongshøll á Vestaru bryggju í Havn.Tað eru Tórshavnar Kommuna, Hugskotið og Fróðskaparsetur Føroya, sum bjóða til ein spennandi seinnapart, har ljós verður varpað á, hvussu gransking kann gagna vinnulívi og samfelagi, og hvussu vinnulívið kann gagna granskingini – eisini frælsu granskingini – í Føroyum.

Roynd vinnulívsfólk, sum millum annað sjálv hava granskingar- og íverksetararoyndir, fara at hava framløgur, vit hoyra eisini, hvussu tað er at vera granskaraspíri, og somuleiðis verður ein visjón løgd fram um, hvussu granskingarumhvørvið í Føroyum kann styrkjast.

Borgarastjórin í Tórshavnar kommunu setur dagin, síðani verða sjey stuttar framløgur, har rektarin á Fróðskaparsetrinum tekur samanum.

At enda verður orðaskifti undir leiðslu av Brynhild Thomsen, har spurt verður, hvussu gransking í størri mun enn nú kann gagna vinnulívi og samfelagi, og hvussu vinnulívið í størri mun enn nú kann gagna granskingini í Føroyum.

Tiltakið endar við ábiti og netverkan.

Øll eru hjartaliga vælkomin, men tilmelding er neyðug.

Tilmelding fer fram her: https://hugskotid.fo/skrseting-til-tiltak-20-mai