Vinnuframapartar

Vinnuframapartar eru teir stovnar, ið landið og kommunur varða av, og ið eru við til at skapa vinnurframa. Uttanríkis- og vinnumálaráðið varðar av fylgjandi vinnuframapartum: Íverksetarahúsið, Vinnuframagrunnurin, Framtaksgrunnurin, iNOVA, Menningardepilin, Faroe Music Export og Filmshúsið.

Tórshavnar kommuna og Klaksvíkar kommuna varðar av fylgjandi vinnuframapartum: Hugskotið og Íverksetarahúsið.

Eitt av fokusøkjunum hjá umhvørvis- og vinnumálaráðnum er íverksetan. Tí varð serlig konta til íverksetan og nýskapandi átøk sett á stovn á fíggjarlógini 2008. Umframt stuðulsskipanirnar til íverksetararáðgeving, er ætlanin, at játtanin til íverksetan skal brúkast til skeiðs- og verkstovuvirksemi, ráðstevnur og netverkan, sum hava til endamáls at ala fram íverksetarahugburð og nýskapan í Føroyum.

Ætlanin er eisini, saman við vinnuni, at gera átøk serliga rættað móti útisetum, sum kunnu hugsast at byrja íverksetaravirksemi í Føroyum. Harafturat er neyðugt at savna hagtøl, ið kunnu nýtast til víðari menning av hesum øki.

Les meira um íverksetan í umhvørvis- og vinnumálaráðnum her

Leiðslur og stýri